Олунньу 5 күнүттэн Хатас сэлиэнньэтин дьаһалтатын дьиэтигэр, норуот маастара Анна Пестерева быыстапката арылынна. Мантан инньэ төгүрүк сыл устата олохтоох маастардар үлэлэрэ турар буолуоҕа.
Хатас олохтооҕо Анна Пестерева “Утум иис” иистэнньэҥнэр түмсүүлэрин салайар. 2012 сылтан иистэнэр. Кини араас таһымнаах быыстапкаларга, бэстибээллэргэ куруук ситиһиилээхтик кыттар. Маастар сатаабатаҕа диэн суох. Ол курдук, оҕуруонан тиһэр, быысыпкалыыр, сиэлинэн өрөр, таҥас лоскуйдарынан уо.д.а. иистэнэр.
