Дьокуускай куорат 3 №-дээх балыыһатын Хатастааҕы филиала анал байыаннай дьайыыга сылдьар саллааттарга анаан Бүтүн Арассыыйатааҕы «Мы вместе» хамсааһыҥҥа блиндаж чүмэчилэрин тиэртэ.
«Блиндаж чүмэчилэрэ СВО усулуобуйатыгар олус туһалыыллар. Байыастар чүмэчилэри окуопаҕа туһаналларын таһынан, биир дойдулаахтара кинилэри күүтэллэрин билиэхтэрэ», - диэн балыыһа сүрүн бырааһа Анна Парфенова эттэ.
Бу балыыһа байыастарга бастакы көмөтө буолбатах. 2022 сыл сэтинньититтэн саҕалаан балыыһа үлэһиттэрэ харчы, эмп-томп хомуйбуттара, байыаннай таҥаһы тигиигэ кыттыспыттара, госпиталларга хас да массыынаны ыыппыттара. Оттон быраастар анал байыаннай дьайыы ыытыллар сиригэр үлэлээн кэлбиттэрэ.
Балыыһаҕа байыаннай сулууспалаахтар ийэлэрэ, кэргэннэрэ үлэлииллэр. Кэлэктиип кинилэри өйүүргэ, көмө оҥорорго күннэтэ кыһаллар.
Сонун төрдө: Дьокуускай куорат 3 №-дээх балыыһата
