Балыктааһын – саха норуотун өбүгэ саҕаттан илдьэ кэлбит үтүөүгэһэ, айаҕы ииттинэр эбэтэр эргинэр соруктаах күөл, өрүс балыгын араас ньыманан тутар дьарык. Былыр сахаларга аһы-үөлү хааччынар биир сүрүн ньыма этэ. Аныгы да кэмҥэ балыктааһын суолтатын сүтэрбэт.
Саха олоҕор-дьаһаҕар, айах ииттэргэ балыктыыр улахан суолталааҕа. Олорор күөллэрин аһатар-сиэтэр, тыыннарын өллөйдүүр аналлааҕын иһин улаханнык ытыктыыллара. Уу иччитин Күөх Боллох, Эрилик Тойон, Чыкчылын Оҕонньор, Укулаан Тойон, о.д.а. ааттыыллара. Өрүһү, күөлү ытыктаан «эбэбит» дииллэр.
Кэм-кэрдии уларыйдаҕын ахсын олохпут укулаата тэҥҥэ уларыйсан, таһыма үрдээн, үгүс үгэс умнуллан үйэтин кытта хаалар, уос номоҕо эрэ буолар. Оттон сорох үгэс бириэмэ хардыытын кытта тэҥҥэ атыллыыр.
Аныгы сайдыылаах кэмҥэ, билигин, хаачыстыбалаах таҥас-сап, сэп-сэбиргэл элбэх буоллаҕа. Кырыалаах кыһыммыт кэлэн, булчуттар уонна балыксыттар кэргэннэрэ сиргэ-уокка сылдьар ичигэс таҥаһы бэрийэр түбүгэр түстэхтэрэ. Саха сирин кыһыныгар барсар, ичигэс, тыалтан-куустан харыстыыр, киһи этин-сиинин тыыннарар таҥас наада буоллаҕа.
Онон ситимнээн Саха сирин олохтоохторун булка-алка кэтэр таҥаһынан, туттар тэрилинэн хааччыйар «Рыболов» маҕаһыын туһунан кэпсиэҕим.
«Рыболов» маҕаһыыннар ситимнэрэ
2012 сыллаахха Саргылаана Ивановна Алексеева аҕатыныын балыкка, булка туттуллар тэрил маҕаһыынын арынарга быһаарыммыттар. Ити сыл ыам ыйын 25 күнүгэр Жорницкай уулуссаҕа «Рыболов» диэн ааттаах маҕаһыын аана булчуттарга, балыксыттарга аанын тэлэччи аспыта. Биир сылынан номнуо маҕаһыыннарын кэҥэтэргэ санаммыттар. Ол курдук, Ойуунускай уулусса 5-с дьиэтигэр иккис этээскэ көспүттэр. 2015 сыллаахха иккис маҕаһыыны Можайскай уулусса 27/а аадырыска арыйбыттар, оттон 2021 сылллаахха үһүс, улахан маҕаһыыннарын Сэбиэскэй Аармыйа 50 сыла уулусса 48/3 №-гэр арыйбыттар.
Манна табаар эгэлгэтэ баар. Булка, балыкка, туризмҥа аналлаах табаардары, тэриллэри – барытын ылыахха сөп эбит. Үксэ балыкка аналлаах тэриллэр эбит. Күрүчүөктэн саҕалаан оҥочо мотуордарыгар тиийэ араас тэрил баар. Турар бэйэтэ эрэ кэлбит киһи маҕаһыынтан булка, балыкка бэлэмнээх, толору таҥастаах тахсар. Хотугу улуустар балыксыттарын хааччыйарга, бырамыысыланнай балыктааһыҥҥа туһаныллар илим матырыйааллара уонна илими таҥар тэрил барыта баар.
Ситиһиилэр
Табаардарын көрүҥүн кэҥэтэн иһэллэр эбит. Атыылаһааччыларын үөрдээри, куруутун сайдарга дьулуһаллар, саҥа табаардары көрөллөр, ылаллар.
Сыл ахсын «Охота и рыбалка на Руси» диэн норуоттар икки ардыларынааҕы быыстапкаҕа сылга иккитэ кытталлар.
Элбэх тэрээһиҥҥэ успуонсар быһыытынан кытталлара олус хайҕаллаах. Ордук оҕолорго уонна доруобуйаларыгар хааччахтаах дьоҥҥо аналлаах тэрээһиннэргэ итиэннэ анал байыаннай дьайыыга сылдьар биир дойдулаахтарыгар болҕомтолорун уураллар. Маны таһынан «Ситим» медиа-бөлөҕү кытары ыкса үлэлииллэр, ыытар тэрээһиннэригэр күүс-көмө буолаллар. Чөл олоҕу тутуһар, өрө тутар, тарҕатар үлэһит үтүөтэ дьон, айыы санаалаах урбаанньыттар аһымал аахсыйаларга кыттар, үгүс дьоҥҥо көмөлөһөр эбиттэр.
«Рыболов» маҕаһыыҥҥа үлэлиир уолаттар бэйэлэрэ балыксыт, булчут бэртэрэ эбиттэр. Хас биирдии атыылаһааччыга сүбэ-ама биэрэллэр, көмөлөһөллөр. «Golfstream» диэн оҥочо мотуордарыгар, «Сибтермо» балааккалар, оһохтор, раскладушкалар, «Armytek» банаардарга, «Evashoes» атах таҥаһын хампаанньаларыгар официальнай лиидэр буолалларын истэн олус сөхтүм. Ону таһынан «Тонар» хампаанньалар бөлөхтөрүн платиновай партнёрдара эбиттэр.
Кинилэр саайтарыгар киирэн көрдөххө, дьон үгүстүк атыылаһар табаардарынан кыһыҥҥы балаакка, пошехонка-оһох, муус быһар эрбии, муус алларар буур уо.д.а. эбит.
Түмүккэ
Билигин туохпут барыта технологияттан тутулуктааҕын киһи үксэ өйдүүр. Аныгы киһини, олоҕу технология тулалыыр, биһиги күннээҕи олохпутун чэпчэтэр, быдан табыгастаах оҥорор. Ол иһигэр биисинэһи эмиэ. Буолаары буолан, биисинэс эйгэтэ технологияны туһанар хас даҕаны төрүөттээх. Олортон биир саамай сүрүннэрэ – аныгы технология биисинэс күрэстэһэр кыаҕын улаатыннарар. Ол курдук, https://rybolov-ykt.ru/ диэн саайтка киирэн, киһи ыраахтан да олорон сакаастыан сөп.
Урбаанньыт – инники күөҥҥэ сылдьар, саҥа сүүрээннэри, хайысхалары арыйар, киллэрэр киһи, дьонугар-сэргэтигэр көмөлөһөр. Бу эйгэҕэ мөлтөх, ытыыр-соҥуур, бэлэми баҕарар дьон өр буолбаттар быһыылаах. Киэҥ көҕүстээх, күүстээх санаалаах дьон үлэлэрэ, дьарыктара диэн сыаналыыбын. Онон «Рыболов» маҕаһыын салайааччыларыгар, үлэһиттэригэр ситиһиилэри, сайда туралларыгар баҕарабын!
Сайдам саха сиэдэрэйдик тутта-хапта сылдьара өрүүтүн үтүө түбүктээх, кичэллээх буолар. Дьоҥҥо туһалаах буоллун диэн санаанан үлэлиир дьоҥҥо, маҕаһыын үлэтигэр алгыс буоллун!
Аадырыстара:
- Ойуунускай уул. 5, 2 этээс, төл. 8(924)66-11-527;
- Можайскай уул. 27/а, 1 этээс, төл. 8(924)469-55-45
- Сэбиэскэй Аармыйа 50 сыла уул. 48/3, төл. 8(924)861-13-23
