Соторутааҕыта биһиги хаһыаппытыгар уонна саайпытыгар “Халымалар, ким быыһыыр дьоно олоробут? Саҥа пиэрмэрдэр?” диэн ыстатыйаны суруйбут Үөһээ Халыма олохтооҕо Степан Слепцов дьиэ кэргэнэ лимон үүннэрэрин ааҕааччылар билэҕит.
Былырыын кини лимона элбэҕинэн, бөдөҥүнэн өрөспүүбүлүкэ дьонун улаханнык сөхтөрбүтэ.
Степан Алексеевич: “Быйылгы лимоннарым былырыыҥҥытааҕар эрдэ ситэн эрэллэр”, – диэн үөрэр. Кырдьык, хаартыскаттан көрдөххө, былырыыҥҥытааҕар элбэх уонна бөдөҥ эбит.
Ити курдук ыраах Халымаҕа Слепцовтар дьиэ кэргэннэрэ быйылгы Саҥа дьыл бырааһынньыгын бэйэлэрэ үүннэрбит лимоннаах көрсөн эрэллэр.
Дьиҥнээх “импортозамещение” маннык буолуохтаах буолбатах дуо?
Владимир СТЕПАНОВ.
