Саҥа дьыл хас биирдии киһиэхэ – улаханыттан кыратыттан тутулуга суох – алыптаах кэм. Ону номнуо хаһыс да сылын “ӨРӨГӨЙ” оонньуу бигэргэтэр. Сахабыт сирин олохтоохторо Саҥа дьыл бырааһынньыгын аайы “ӨРӨГӨЙ” кэнсиэри кэтэһэллэр, сүүйүүлээх билиэттэрин маныыллар.
Бу күн бааттаах дьон сыаналаах тэриллэри, миэбэллэри, бэл диэтэр, “Мерседес, “Тойота РАВ4” массыыналары сүүйүөхтэрин сөп. Ону таһынан, сүрүн бирииһи – УОН МӨЛҮЙҮӨНҮ (!) сүүйэн, соһуччу байа түһүөххэ сөбүн умнумаҥ. Чахчы даҕаны, дьол хараҕа суох ээ... Арай биир-икки билиэти атыылаһан баран, бу дьоллоох киэһэ уон мөлүйүөнү сүүйэн кэбис?! Тыый, баҕар, ол эн буолуоҥ!
“ӨРӨГӨЙ” саҥа дьыллааҕы кэнсиэригэр билиэттэ атыылас, уу харчынан сүүй! Саҕаланна!
Бүгүҥҥү нүөмэрбитигэр бу алыптаах дьолуону бэлэхтиир дьоҕус тэрилтэ салайааччытыттан Николай Дьячковскайтан сүүйүүлээх оонньуу туһунан чопчуластыбыт.
– Николай Петрович, дьэ, алыптаах Саҥа дьылбытын кытары күүтүүлээх “Өрөгөйбүт” тиийэн кэллэ. Быйылгы тэрээһин туох уратылаах буоларый?
– Быйылгы тэрээһиммит саҥа үүнэр 2025 сыл тохсунньу 14 күнүгэр – Эргэ Саҥа дьыл бырааһынньыгар куйаар ситиминэн быһа холбонууга буолуоҕа. Онно саха эстрадатын саамай чаҕылхай ырыаһыттара кэлэн, ылбаҕай ырыаларын бэлэхтиэхтэрэ: Аскалон Павлов, Байбал Сэмэнэп, Бүөккэ Бөтүрүөп, Далаана, Ника, Сахамин уонна Розалина Файрушина, Ирена Файрушина уонна да атыттар. Тэрээһиммит бэйэтэ Саҥа дьыл “Голубой огонёгун” санатыаҕа. Ырыаһыттарбыт элбэхтэр.
– Быһата, улахан кэнсиэр буолара күүтүллэр эбит... Сүрүн сүүйүүтэ быйыл төһө буоларын өссө төгүл чопчулаа эрэ?
– Оннук. Ырыаһыттарбыт көрөөччүлэрин үөрдээри ох курдук оҥосто, сибэкки курдук симэнэ сырыттахтара. Ол быыһыгар, хайа эрэ дьоллоох УОН МӨЛҮЙҮӨНҮ уу харчынан сүүйүөн сөп! Ону таһынан, “Тойота-РАВ-4” уонна “Мерседес-бенс-180” мааркалаах үтүөкэннээх массыыналар, Саха сирин хаардарын үрдүнэн бурҕачыйар бураан, сыаналаах төлөпүөн, булт тэрилэ, сиэдэрэй саҕынньах уонна да атын сыаналаах бириистэр оонньонуохтара. Уопсайа 50 туһалаах бириис хас биирдии киһини – дьахтарыттан эр киһититтэн тутулуга суох – үөрдүөҕэ. Аукциоҥҥа биэс сыананы ылан кэлбит массыыналарбытын анаан-минээн бу тэрээһиҥҥэ диэн атыылаһан аҕаллыбыт. Иккиэн толору хааччыллыылаахтар. Онон, олус сыаналаах массыыналар диэн тоһоҕолоон этэбин.
– Оонньуу хайдах ыытылларый?
– Үгүс ыал кэтэһэр күүтүүлээх, ырыалаах-тойуктаах, оонньуулаах “ӨРӨГӨЙ” кэнсиэр тохсунньу 14 күнүгэр куйаар ситиминэн (“Ютуб”, “В контакте”, “Телеграм” ханаалларга) киэһэ 20 чаастан быһа эпииргэ буолуоҕа.
– Билиэттэр ханна атыылана туралларый?
– Дьокуускай куорат атыы-эргиэн дьиэлэригэр, киинэ тыйаатырдарыгар. Ону сэргэ, дьиэттэн тахсыахтарын баҕарбат буоллахтарына, төлөпүөнүнэн кытары атыылаһыахтарын сөп. Сүрүн бириистэрбитин – икки массыынаны уонна уhун олбохтоох хаарынан айанныыр бурааны Хомсомуол болуоссатыгар аҕалан туруорбуппут, кэлэн көрөн ааhыахтарын сөп. Ол аттыгар түүннэри-күнүстэри билиэт атыылыыр киоска үлэлии турар.
– Оттон улуус дьоно хайдах атыылаһалларый?
– Үгэс быһыытынан, улуус дьоно куоракка баар дьоннорунан ылларааччылар. Ону тэҥэ, биһиги бэйэбит хас улуус киинин аайы анал бэрэстэбиитэллээхпит. Кинилэртэн эмиэ атыылаһыахтарын сөп. Билигин олохпут сайдан, урукку курдук буолбатах. Киэҥ нэлэмэн өрөспүүбүлүкэбит хайа баҕарар муннугар олорор киһи дьиэтиттэн тахсыбакка эрэ онлайн билиэт атыылаһыан сөп. Манна диэн эттэххэ, тыа сирин олохтоохторо үксүлэрэ кэриэтэ онлайн атыылаһар буоллулар.
– Ким сүүйбүтэ быһа эпииргэ тута биллэр буоллаҕа?
– Ким тугу сүүйбүтүн ооонньуу кэмигэр билэбит уонна тута кинилэргэ эрийэн тиийэбит. Ол кэнниттэн сүүйбүт дьону барыларын ыҥыртаан үөрүүлээх быһыыга-майгыга бириистэрин туттарыахпыт. Уон мөлүйүөммүтүн уу харчынан туттаран ыытабыт уонна бириис-массыыналары саҥа хаһаайыттар ааттарыгар көһөрөбүт.
– Николай Петрович, эһиги сүүйүүлээх оонньуугутугар өрөспүүбүлүкэбит үгүс дьоно-сэргэтэ кыттар. Онон бары кэриэтэ долгуйа кэтэһэллэр. Билиэттэр хаһан атыыга тахсалларый?
– Билиэттэр бэлиэр атыыга таҕыстылар. Хата, Саҥа дьыл бырааһынньыгар чугас дьоҥҥутугар бэлэх гынан биэриэххитин сөп. Дьон үксэ оҕолоруттан, чугас дьонноруттан бэлэхтэппиттэрин туһунан кэпсээччилэр. Онон бырааһынньык иннинэ тиэтэйэ-саарайа билиэккитин ылан төрөппүттэргитигэр, оҕолоргутугар, доҕотторгутугар бэлэх уунуоххутун сөп. Ким билиэ баарай, баҕар, эһиги бааттаах тарбаххытынан уон мөлүйүөнү дуу, сыаналаах массыыналары дуу, бурааны дуу сүүйэн кэбиһиэхтэрин сөп буоллаҕа.
Ким бааттаах – ол сүүйдүн!
– Бар дьоҥҥо туһаайан тугу баҕарыаҥ этэй?
– Үүммүт саҥа 2025 сыл Саха сирин олохтоохторугар үтүөнү эрэ түстээтин, чэгиэн-чэбдик доруобуйаны бэлэхтээтин, хас биирдии сүрэххэ таптал кутаа уотун уматтын, ситиһии эрэ эҥээрдэстин. Ол ситиһии суһума бу оонньууттан саҕаланнын диэн баҕа санаалаахпын!
Аахсыйа: босхо билиэт бэлэхтииллэр!
“Өрөгөй” сүүйүүлээх оонньотуу табыгастаах аахсыйалары толкуйдаан кыттааччыларын үөрдэр. Аахсыйаны бу оонньотууга салгыы ыытыллар. Ол курдук,
2 билиэти атыылас – биири босхо ыл!
4 билиэти атыылас – иккини босхо ыл!
6 билиэти атыылас – үhү босхо ыл!
Онлайн атыы: 8914 226 9777
Тиэтэйиҥ, билиэттэр номнуо атыыга таҕыстылар! “ӨРӨГӨЙҮ” кытта өрөгөйдөөх үөрүүнү билэн, сүүйүүлээх эн буол!
Ким бааттаах – ол кыайдын!
Туйаара СИККИЭР.
