Киир

Киир

2023 сылтан Саха Өрөспүүбүлүкэтигэр хамсаабат баай-дуол өттүгэр нолуок ааҕыллыытыгар ураты бэрээдэк киирэр. Нолуок кодексын 378.2 ыстатыйатын ирдэбилинэн, атыыга-эргиэҥҥэ туттуллар эбийиэктэр нолуоктара кадастровай сыанаттан көрүллэн ааҕыллар буолар.

Ыйыллар бэрээдэк анал испииһэккэ хапсыбыт хамсаабат баай-дуол эбийиэктэригэр (дьиэлэргэ, тутууларга, оҥоһууларга) сыһыаннаах. Испииһэк сыл ахсын Саха Өрөспүүбүлүкэтин Бырабыыталыстыбатынан уочараттаах нолуок кэмин иннигэр сыл бүтэһигэр бигэргэтиллэр.

Нолуок испииһэгэ СӨрөспүүбүлүкэтин Баай-дуол уонна сир сыһыанын министиэристибэтэ СӨ Бүддьүөт судаарыстыбаннай “Кадастровай сыанабыл судаарыстыбаннай киинэ” тэрилтэлиин (“ЦГКО”) тэҥҥэ оҥоһуллар. Хамсаабат баай-дуол испииһэгэ судаарыстыбаннай реестргэ ыйыллыбыт сибидиэнньэлэргэ олоҕуран оҥоһуллар.

Атыы-эргиэн эбийиэктэригэр саҥа нолуок киириитэ III түһүмэхтээх:

2023 сылга испииһэк Дьокуускай, Мииринэй, Нерюнгри, Алдан уонна Ленскэй куораттар сирдэригэр турар атыы-эргиэн эбийиэктэригэр оҥоһуллар. Атыы-эргиэн эбийиэктэригэр — атыы, олоххо-дьаһахха туттуллар, уопсастыбаннай аһылык, суол кытыытынааҕы хааччыйыы эбийиэктэрэ киирэллэр.

2024 сылга нолуогу ааҕыы ураты бэрээдэгэр эбии административнай-дьыалабыай аналлаах эбийиэктэр киирсиэхтэрэ.

2025 сылга испииһэк бүтүн өрөспүүбүлүкэ иһигэр баар атыы-эргиэн уонна административнай-дьыалабыай аналлаах эбийиэктэргэ оҥоhуллуо.

Эһиги эбийиэккит нолуок анал испииhэгэр киирбитин дуу, суоҕун дуу “ЦГКО” СӨ бүддьүөт тэрилтэтин саайтыгар көрүөххүтүн сөп. Сөбүлэспэт түгэҥҥитигэр испииhэк бигэргэтиллиэн иннинэ СӨ Баайга-дуолга уонна сир сыһыаннаһыыларыгар министиэристибэтигэр сайабылыанньа түһэриэххитин сөп.

Эбийиэктэр сыл аайы испииһэккэ сөптөөхтүк киирэллэрин эбэтэр киирбэттэрин туһугар хаhаайыннар хамсаабат баай-дуол эбийиэктэр (дьиэлэр, тутуулар, оҥоһуулар) фактическай туһаныылара судаарыстыбаннай реестри кытта биир кэлим суруллубутун бэрэбиэркэлииргитигэр, сөп түбэспэт буоллаҕына, уларытыы киллэрэргитигэр ыҥырабыт.

Билсэр аадырыс:
 
СӨ Баайга-дуолга уонна сир сыһыаннаһыыларыгар министиэристибэтэ
Аадырыһа: Дьокуускай к., Аммосов уул. 8 дьиэтэ.
Төлөпүөнэ: 8(4112)42-39-53
Эл.почта: Этот адрес электронной почты защищён от спам-ботов. У вас должен быть включен JavaScript для просмотра.
Официальнай саайта: https://minimush.sakha.gov.ru/
“Кадастровай сыанабыл судаарыстыбаннай киинэ”
СӨ судаарыстыбаннай бүддьүөт тэрилтэтэ
(ГБУ РС (Я) “Центр государственной кадастровой оценки”)
Аадырыһа: Дьокуускай к. Киров уул. 28, 4 этээс
Төлөпүөнэ: 8(4112)39-83-00 доп. 3121
Эл.почта: Этот адрес электронной почты защищён от спам-ботов. У вас должен быть включен JavaScript для просмотра.
Официальнай саайта: http://cgko.sakha.gov.ru
Тарҕат:

Санааҕын суруй

Бүтэһик сонуннар