2025 сыл тохсунньу 1 күнүттэн Саха сиригэр бүддьүөт үлэһиттэрин хамнаһа үрдүөҕэ. Ол иһигэр “онтон да атыттар” (прочие) дэнэр араҥа үлэһиттэригэр 5,7%. Ити туһунан Айсен Николаев Ил Түмэҥҥэ Анал туһаайыытыгар эттэ.
“Табаар уонна өҥө сыаната үрдүү турар кэмигэр хамнас үрдээһинэ – тутаах боппуруос. Быйыл биһиги бүддьүөт эйгэтин үлэһиттэрин хамнаһын үрдэппиппит. Онно анаан 13 млрд солкуобай тыырыллыбыта. Оттон 2025 сыл тохсунньу 1 күнүттэн бүддьүөт эйэгэтигэр үлэлиир эрээри, категориялара ыйыллыбат үлэһиттэр хамнастара 5,7%-нан эбиллиэҕэ”, – диэтэ Ил Дархан.
Санаттахха, 2025 сылга тус сыаллаах категориялаах үлэһиттэр хамнастарын үрдэтэргэ 18 млрд 900 мөл. солкуобай көрүллүөхтээх.
Бэй.кэр.
Хаартыска: econom48.ru
