Сахастат 2024 сыл түмүгүнэн муҥутаан ыараабыт табаар уонна өҥө арааһын туһунан иһитиннэрдэ.
Ол курдук, Саха сиригэр ааспыт сыл түмүгүнэн саамай ыараабыт өҥө көрүҥэ тас дойду туризма буолбут – сыл иһигэр омук сиригэр туристыы барыы 44,89%-нан ыараабыт. Ити кэннэ баан өҥөтө кэлэр – 35,52%. Дьиэ куортама 20,69%-нан, оттон ынах арыыта – 19,41%-нан үрдээбит.
Итини таһынан, дьоҕус массыына сыаната (+18,98%), куурусса сымыыта (+17,07%), бэтэринээр өҥөтө (+16?22%), баттах кырыйтарыы (+13,40%), ювелирнай оҥоһук (+12,48%) уонна фрукта (+13,98%) эмиэ хаалсыбакка ыараабыттар.
Киһи соһуйуох, 2024 сыл түмүгүнэн кэккэ өҥө уонна табаар сыаната чэпчээбит. Холобур, мас арыыта 1,06%, юрист өҥөтө – 0,24%, хара байховай чэй – 0,88% түспүт.
Бэй.кэр.
Хаартыска: pixabay.com
