Кэлиҥҥи 12 сыл иһигэр Саха сиригэр барыта 7,3 мөлүйүөн квадратнай миэтэрэ иэннээх дьиэ тутуллан үлэҕэ киирбит. Ааспыт сылы кытта тэҥнээтэххэ, тутуу тэтимэ 7%-нан үрдээбит. Ол туһунан тутуу миниистирэ Виктор Романов сырдатта.
“Тутуу кээмэйэ сыл аайы эбиллэн иһэр. 2025 с. барыта 809 тыһ. кв. м иэннээх дьиэ тутуллан үлэҕэ киирбитэ. Ол 2024 с. көрдөрүүттэн 7%-нан үрдүк. Ити дьон-сэргэ чэпчэтиилээх кирэдьиити, чуолаан Уһук Илин уонна Арктика ипотекаларын, туһанары кытта сибээстээх. 2025 с. уопсайа 32 миллиард солк. суумалаах 5 тыһыынча кэриҥэ кирэдьиит бэриллибит”, – диир миниистир.
2025 с. ордук элбэх дьиэ-уот Мэҥэ Хаҥалас улууһугар тутуллубут – 33 тыһ. кв. м, Ленскэйгэ – 31 тыһ. кв. м, Алдаҥҥа – 24 тыһ. кв. м.
Бэй.кэр.
Хаартыска: Андрей Сорокин / СИА
