“Халыма” айан суола сотору-сотору быстарын, айан-сырыы уустугурарын билэбит. Онон суол Мэҥэ Хаҥалас Төҥүлүтүгэр диэри саамай сырыылаах кэрчигэ 2020 сылга диэри өрөмүөннэнэн бүтүөхтээх. Билигин икки саамай уустук, кыһалҕалаах сирдэргэ – Чурапчыга уонна Томпоҕо өрөмүөннүү сылдьаллар. Ити туһунан Көлө миниистирэ Александр Тарасов кэпсээтэ.
Тойон Тарасов этэринэн, билигин Чурапчыга уонна Томпоҕо суолу аныгы, инновациялаах технология ньыматынан оҥоро сылдьаллар үһү. Төҥүлүгэ диэри үлэ 2020 сылга түмүктэнэр буоллаҕына, чурапчылар 2022 сылга диэри күүтүөхтэрин наада. Өрөмүөҥҥэ диэн барыта 3,18 млрд солкуобай көрүллүбүт.
