2019 сылга федеральнай киинтэн саамай элбэх датаассыйаны Саха, Дагестан өрөспүүбүлүкэлэрэ уонна Камчатка кыраайа ылыахтара. Быһаарыы РФ кэлэр сыллааҕы бүддьүөтүн бырайыагар киирбит.
Ол курдук, Дагестаҥҥа 66,3, Саха сиригэр – 46,9, оттон Камчаткаҕа 37,4 миллиард солкуобайы тыырыахтара. Биэс элбэҕи ылааччылар истэригэр өссө Чечня Өрөспүүбүлүкэтэ уонна Алтаай кыраайа киирбиттэр – 30,4 уонна 28,6 млрд солк.
Өтөрдөөҕүтэ дойду премьер-миниистирэ Дмитрий Медведев иһитиннэрбитинэн, 2019 сылга эрэгийиэннэргэ көрүллэр субсидия уонна датаассыйа уопсай кээмэйэ 1,5 триллион солк. буолуохтаах.
