Дьокуускай куорат дьаһалтата балаҕан ыйын 1 күнүттэн сэтинньи 1 күнүгэр диэри “Норуот бүддьүөтэ” бырайыакка сайаапка хомуйар. Бу үлэ-хамнас Дьокуускай куорат олоҕун-дьаһаҕын тупсарыыга туһуланар.
Бэлиэтээтэххэ, кыттааччылар бырайыак 20%-ын бэйэлэрэ уйуналлар. Онтон хаалбыт үбүн олохтоох дьаһалта уйунар. Салгыы бигэргэтиини ааспыт үлэ 2019 сылга олоххо киириэхтээх. Күрэскэ физическэй уонна юридическай сирэйдэр, уопсастыбаннай түмсүүлэр уонна тэрилтэлэр кытталлар.
Социальнай бырайыак сүрүн хайысхалара:
- Уопсастыбаннай эбийиэктэри өрөмүөннээһин, тутуу уонна тупсарыы.
- Дьокуускай куорат уокуруктарын уонна дьон маассабайдык сылдьар сирдэрин тупсарыы.
- Аһымал көмө аахсыйаларын тэрийии.
- Үөрэххэ, успуорка уонна култуураҕа туһуланар ааас үлэни тэрийии.
Эбэн эттэххэ, ааспыт сылга “Норуот бүддьүөтүгэр” 187 сайаапка киирбит буоллаҕына, бигэргэтиини 40 бырайыак ааһан, 30 мөл. солк. суумалаах үлэ ыытыллыбыт. Бу сылга биэнсийэлээхтэргэ уонна доруобуйаларынан хааччахтаах дьоҥҥо аналлаах социальнай таксыы өҥөтө, “ВыРАСтайка” оҕолорго аналлаах устуудьуйа, “Биһиэхэ остуоруйа кэллэ” доруобуйаларынан хааччахтаах оҕолорго испэктээк көрдөрүү, успуорт былаһааккаларын тутуу, о.д.а. үлэлэр киирэллэр.
“Норуот бүддьүөтүгэр” сайаапкалары хомойуу Дьокуускай куорат дьаһалтатыгар ыытыллар: Ленин бэр., 15, 307 кэб., сиһилии билсэр төл: 40-80-36 уонна One click Yakutsk интэриниэт портал.
