Сааскы халаан уутуттан эмсэҕэлээбит дьон 2018 сылга тыраанспар нолуогуттан босхолонуохтара. Бу туһунан «О налоговой политике» өрөспүүбүлүкэтээҕи сокуоҥҥа сөптөөх көннөрүүлэри өрөспүүбүлүкэ парламена ылынна.
Нолуоктан босхолооһун ааспыт саас халаан уутуттан эмсэҕэлээбит дьоҥҥо судаарыстыбаттан өйөбүл быһыытынан киллэрилиннэ.
2018 сылга тыраанспар нолуогуттан Ил Дархан ыксаллаах балаһыанньаны биллэрбит муниципальнай тэриллиилэригэр олорор дьон босхолонуохтара.
Нолуок льготатынан муниципальнай тэриллиилэр баһылыктара бигэргэппит биирдэ бэриллэр материальнай көмөнү ылар дьон туһаныахтара.
Санатабыт, сааскы халаан уутуттан өрөспүүбүлүкэ үрдүнэн 58 нэһилиэнньэлээх пууҥҥа 1500 олорор дьиэ уонна 5000 кэриҥэ киһи эмсэҕэлээбит.
