Саха сирин эһиилги судаарыстыбаннай бүддьүөтүгэр иккис ааҕыыга дохуот уопсай ахсаанын 7 млрд 796,5 мөл. солк. улаатыннарары былаанныыллар. Бу туһунан үп миниистирэ Валерий Жондоров бырабыыталыстыба хамыыһыйатын мунньаҕар эттэ.
Итинник улаатыннарыы бүддьүөт үлэһиттэрин хамнастарыгар эбии 2 млрд 215 мөл. солк. дотация көрүллүбүтүнэн уонна 5 млрд 303 мөл. солк. субсидия, субвенция уонна бүддьүөт икки ардынааҕы трансфер уллааппытын кытары сибээстээх.
Маны таһынан 2019 сылга нолуок дохуота 44,5 мөл. солк. (ньиэп бородууктатыгар акциз 2,1 бырыһыан чэпчээбитинэн уонна “Хаачыстыбалаах уонна куттала суох суоллар” национальнай бырайыагы олоххо киллэриигэ ньиэп бородууктатыгар акциз киириитэ улааппытынан) аччаабыта учуоттаммыт.
Валерий Жондоров быһаарбытынан, маннык уларыйыылар бүддьүөт дохуоттаах чааһыгар федеральнай бүддьүөттэн киирэр үп улааппытын иһин киллэриллибиттэр.
Бу уларыйыыны бырабыыталыстбыа аны Ил Түмэн дьүүлүгэр киллэриэҕэ.
