Ааспыт сылга бааннар өрөспүүбүлүкэ олохтоохторугар ипотека кирэдьиитигэр 35,5 млрд солк биэрбиттэр. Бу – 2017 сыллааҕар 45% үрдүк көрдөрүү. Ипотека кирэдьиитин 13,4 тыһ киһи ылбыт, ол аата 33% үрдээбит.
Уһук Илин федеральнай уокурук үрдүнэн сахалар ипотекаҕа киириилэрин сабардама 20%. Приморскай кыраай кэнниттэн иккис көрдөрүү буолар.
2018 сыл тохсунньу 1 күнүнээҕи туругунан өрөспүүбүлүкэ үрдүнэн ипотека кирэдьиитин бырыһыанын ыстаапката 10,7% тэҥ этэ. Оттон 2019 сыл тохсунньу 1 күнүнээҕи туругунан көрдөрүү 9,6% диэри түспүт.
Сыл иһигэр ипотека кирэдьиитин иэһэ 21,7% улаатан 85 млрд солк тэҥнэспит. Болдьоҕуттан уһаабыт иэс таһыма 0,7% турар.
