Өрөспүүбүлүкэтээҕи бүддьүөттэн кыттыһан тутууга киирсэр дьон (дольщиктар) ситэ тутуллубатах дьиэлэрин киллэриигэ 150 мөл солк көрүллүө. Бу туһанан иһитиннэриини “Instagram” социальнай ситимҥэ Бырабыыталыстыба бэрэссэдээтэлэ Владимир Солодов таһаарбыт.
“„Черов и К“ (2 эбийиэк), „Монолит Строй“ уонна „Макрос“ дьиэлэригэр кыбартыыра ыларга үптэрин-харчыларын укпут дьон кыһалҕаларын быһаарыыга, бу сылга өрөспүүбүлүкэ бүддьүөтүттэн 150 мөл солк көрүлүннэ (уруккутааҕар сэттэ төгүл элбэх). Бу үп ситэ тутуллубатах дьиэлэри тутууга уонна “иккистээн атыылаһыыга” түбэспит 39 киһиэхэ социальнай төлөбүргэ туттуллуоҕа”, – диэн Солодов суруйбут.
Билигин өрөспүүбүлүкэҕэ алта “кыһалҕалаах” дьиэ баара биллэр (136 албыннаппыт киһи).
