«Якутская процессинговая компания «Платежи» АУо, “Сир сыһыаннаһыыларыгар ааҕыныстыба” МКУ уонна СӨ Сыыппара сайдыытын министиэристибэтэ Дьокуускай куоракка сири түүлэһии нолуогун СӨ судаарыстыбаннай уонна муниципальнай өҥө порталын нөҥүө төлөһүөххэ сөбүн иһитиннэрэллэр. Ол курдук, Дьокуускай куорат уокуругун сиригэр-уотугар сир түүлэһэр биирдиилээн дьон, чопчу этиллибит болдьоххо, сылга иккитэ – муус устар 15 уонна алтынньы 15 күнүгэр — төлөһөр кыахтаахтар.
E-yakutia.ru портал нөҥүө төлөһөргө кибитээнсийэ ирдэммэт. Порталга баар Тус кэбиниэккэ киирэн, “Платежи” баһы арыйан, “Муниципальные услуги” киирэн, “Запросить начисления” диэни баттаатаххытына, төлөһөөччү ИННа уонна төһөнү төлөнүөхтээҕэ ырылыччы тахсан кэлэр. Туох да эбии-сабыы халыыбы толоро сатыыр ирдэммэт. “Оплатить” диэни баттыах иннинэ ханнык бааҥҥа каарталааххыт да, ол дааннайдарын киллэрэн эрэ биэрэҕит.
Түүлэһии төлөбүрүн туһунан дааннай кураанах түгэнигэр үлэ бириэмэтигэр 42-81-54 нүөмэргэ эрийэн эбэтэр МКУга сирэй тиийэн, 300-с кэбиниэккэ билсэҕит. Оттон төлөбүр туһунан боппуруоһу “Платежи” прессинговай хампаанньа 33-50-15, 40-20-32 төл. ыйыталаһыҥ.
Төлөбүрү хойутатар түгэҥҥэ иэскэ кубулуйбут ыйдааҕы төлөбүр сууматыттан 0,1 % саҕа пеня ааҕыллар.
