Арассыыйа премьер-миниистирэ Дмитрий Медведев Уһук Илин эрэгийиэннэригэр бастакы уонна кэлэр оҕолорго босуобуйаны төлүүргэ анаан 3,1 млрд солк. биэрэр туһунан уураахха илии баттаата. Бу докумуон миниистирдэр кэбиниэттэрин саайтыгар баар.
““Демография” национальнай бырайыак чэрчитинэн “Финансовая поддержка семей при рождении детей” диэн федеральнай бырайыагы олоххо киллэрэр сыаллаах, Уһук Илин эрэгийиэннэригэр олорор ыалга бастакы оҕо төрөөтөҕүнэ биир кэмнээх көмө харчыны биэрэргэ, оттон иккис оҕо төрөөтөҕүнэ эрэгийиэннээҕи ийэ хапытаалын төлөһөргө уонна үһүс уонна онтон кэлэр оҕо төрөөтөҕүнэ ыйдааҕы босуобуйаны биэрэргэ анаан дойду резервнэй пуондатыттан 3146,26 млрд солк. көрөргө”, — диэн докумуон быһаарыы суругар ыйыллыбыт.
Санатар буоллахха, бу сыл тохсунньу 1 күнүттэн Уһук Илин эрэгийиэннэригэр басткы оҕо төрөөтөҕүнэ тииһинэн олоруу кээмэйин икки гыммыт саҕа босуобуйа көрүллүөхтээх, итиэннэ эрэгийиэннээҕи ийэ хапытаалыгар иккис оҕо төрөөтөҕүнэ 135,9 тыһ. солк. биэрэр буолбуттара.
