CӨ Тырааныспарга уонна суол хаһаайыстыбатыгар министиэристибэтэ уонна Өлүөхүмэ улууһун дьаһалтата Өлүөхүмэ куорат уулуссаларын өрөмүөннээһиҥҥэ эбии үбү көрөр туһунан сөбүлэҥи баттастылар. Улуус дьаһалтатыгар иһитиннэрбиттэринэн, бу сыл куорат суолларын өрөмүөннээһиҥҥэ уопсайа 50 мөл. солк. көрүллүбүт.
Кырдьаҕас куорат суолларын өрөмүөннээһиҥҥэ Саха сирин суол пуондатыттан 25 мөл. солк. көрүллүбүт, улуус пуондатытан – 20 мөл. солк., куорат хааһынатыттан – 5 мөл. солк.
Суол үлэлэрэ улуус 90 сыллаах үбүлүөйүн, Өлүөхүмэ куорат 385, Спасскай Таҥара дьиэтэ 150 үбүлүөйдээх сылларынан уонна 2020 сылга Олоҥхо Ыһыаҕа ыытылларынан сибээстээн ыытыллыа.
