“Экология” национальнай бырайыак иитинэн өрөспүүбүлүкэ үрдүнэн сэттэ бөҕү-сыыһы хаайар уонна таҥастыыр эбийиэктэри тутуохтара. Бу туһунан дьиэ-уот хомунаалынай хаһаайыстыбатын министиэристибэтин пресс-сулууспата иһитиннэрэр.
Маннык эбийиэктэри Дьокуускайга, Мииринэйгэ, Бүлүүгэ, Ньурбаҕа, Аллараа Бэстээххэ, Депутатскайга уонна Майаҕа тутуохтара. Ити сыалга быйылгы өрөспүүбүлүкэ бүддьүөтүттэн 10,5 мөл. солк. уонна үс мөлүйүөн солкуобайы Саха сиригэр бөҕү туһаныы электроннай модель схематын оҥорууга ыытыахтара.
“Бу эрэгийиэннээҕи бырйыак биир басткы түмүгүнэн бөҕү-сыыһы туһаныы территориальнай схематын электроннай моделын оҥоруу буолуоҕа. Бу үлэ сыл бүтүөр дылы оҥоһуллуохтаах”, - диэн национальнай бырайыактар тустарынан уопсастыбаннаһы кытары көрсүһүүгэ ДьУоХХ миниистирэ Валентин Чан иһитиннэрдэ.
Саха сирин ДьУоХХ министиэристибэтэ бөҕү туһаныыга чааһынай инвестордары угуйууга үлэни ыытыаҕа.
“Күн бүгүн биһиги бу хайысхаҕа “Российский экологический оператор ППКны кытары ыкса үлэлэһэбит. Билигин “РЭО” ПК Дьокуускайга 145 тыһ. т. тиийэ бөҕү сортировкалыыр ыстаансыйаны уонна полигону тутарга интэриэстээх”, - диир Валентин Чан. “РЭО” бу бырйыакка 50 бырыһыаҥҥа диэри үбүлүүр санаалаах.
Сэҥээриилэр
Here is my web blog - Orta hava parçalanma video poker: https://gallery.ubytovani-bezhledani.cz/rm/qalazd0lv8f