Барыта этэҥҥэ буоллаҕына, аны түөрт сылынан Саха сирэ дойду инвестицины тардар эрэгийиэннэрин эриэйтинигэр 10 иһигэр киириэҕэ. Бу туһунан Айсен Николаев “Коммерсант” хаһыакка биэрбит интервьютугар кэпсээбит.
“Аныгыскы сылга тоҕо көтөрбүтүгэр, биүиги хорутуулаахтык үлэлиэхпитин уонна биһиги иннибитигэр сылдьар атын эрэгийиэннэри ситэһэн ааһыахпытын наада. Ол эрээри ити бэтэрэннэн дьыала буолбатах” , – диэбит Ил Дархан.
Кини ити инвестиция эриэйтинигэр киирсэр көрдөрүүлэри быстах кэм иһигэр уларытар, онно дьайар кыах суоҕун эттэ.
“Холобур, эрэгийиэни суол тиһигинэн сабыы диэн баар: Саха сирэ 80%на сурла-ииһэ суох, эбэтэр интэриниэт сыанатын ылан көрүөҕүҥ. Ити көрдөрүүлэргэ өтөрүнэн дьайар уустук соҕус, онон ити көрөдрүүлэр биһигини аллараа тарда тураллар. Ол гынан баран, биһиги онтон иҥнэн олорбоппун, иннибит диэки эрэ хардыылыыбыт!” , – диир Айсен Николаев.
Айсен Сергевич инвестицияны тардыы эрэгийиэн экэниэмикэтин диверсификациялааһынтан тутулуктаах.
“Саха сирэ сир баайдааҕынан биллэр, биһиги сүрүннээн сир баайын туһанааччыларыттан, айылҕаны туһанааччылартан дохуоттанабыт. Саҥа салаалар сайдаллар, оттон ити саҥа салааларга кыахтаах тэрилтэ үөскэтэҕинэ, кини тула сыалай кластер тэриллиэн сөп” , – диэн тоһоҕолоото. Кини Саха сиригэр ойууру уонна ньиэби таҥастааһыҥҥа уо.д.а. салааларга саҥа кластердар наадаларын эттэ.
