“Дьокуускайдааҕы уматык-энергетика хампаанньата” ПАУо (ЯТЭК) дириэктэрдэрин Сэбиэтэ хампаанньаны Альберт Авдолян бас билэр “А-Проперти” тэрилтэтигэр биэрэр туһунан быһаарыыны ылынна.
Инньэ гынан, ЯТЭК 16,82 млрд солк. (актыып балансовай туругун 68 бырыһыанын) “А-Пропертига” биэрдилэр.
Маны таһынан, Сэбиэт мунньаҕар акционердар ЯТЭК “А-Пропетига” көһөрүгэр хас да сөбүлэҥи көрдүлэр. Ол иһигэр, иэһи биэрии туһунан, өрүттэр ирдэбиллэрин суох оҥоруу, итиэннэ ЯТЭК 8,8 бырыһыанын бас билэр “Наутилиус” ХЭУо туһатыгар төлөбүрү төннөрүү быһаарылынна. Бас билии өлүүтүн биэрии сыаната – 28 млрд солк. кэриҥнээх.
Альберт Авдолян Саха сиригэр чоҕу хостуур кластры тутар былааннаах. Альберт Авдолян Йота суотабай эпэрээтэри бас билэр. ЯТЭК хампаанньаны тохсунньуга моҥкуруукка ыытар туһунан процедураны саҕалаабыттара. Авдолян бас билэр хампаанньата Огоджа чоҕу хостуур бырайыак акционерынан буолар.
