Өрөспүүбүлүкэ 39 фермерэ 4 мөл солк диэри грант ыллылар. “Продовольствие-2019” быыстапка-дьаармаркаҕа сэртипикээттэри туттардылар. Бу туһунан СӨ тыа хаһаайыстыбатын министиэристибэтин пресс-сулууспата иһитиннэрэр.
Тыа хаһаайыстыбатын миниистирэ Александр Атласов судаарыстыбаннай өйөбүл бырагырааммата 2024 сылга диэри суоттанылларын бэлиэтээтэ. “Быйыл куоҥкурус бастакытын ыытыллар. Алта сыл иһигэр бу куоҥкурус көмөтүнэн 170 саҥа фермерскэй хаһаайыстыбалар тэриллиэхтэрэ диэммит былаанныыбыт. Манна 340 элбэх үлэ миэстэтэ тахсар кыахтаах. Быйыл граны ылыы куоҥкуруһугар 67 фермертэн сайаапка киирбитэ. Олортон бэрэбиэркэ түмүгүнэн иккис түһүмэххэ 57 фермер ааспыта. Биэдэмистибэлэр икки ардыларынааҕы хамыыһыйа быһаарбытынан, бу сылга регистрацияламмыт 39 бааһынай уонна фермерскэй хаһаайыстыбалар грант ыллылар. Ону таһынан кэтэх хаһаайыстыбалаах биирдиилээн дьон. Кинилэргэ өрөспүүбүлүкэтээҕи уонна федеральнай бүддьүөттэн көрүллүбүт грант пуондатын үбэ тыырыллыа”, – диэн миниистир кэпсиир.
“Создание системы поддержки фермеров и сельской кооперации” диэн өрөспүүбүлүкэтээҕи бырагыраамманы олоххо киллэриигэ 590 мөл тахса солк үп көрүллүө. Бу сылга уобаластааҕы уонна федеральнай бүддьүөттэн 108 мөл солк тыырыллыа.
