Polymetal диэн кыһыл көмүһү хостуур тэрилтэ дириэктэрдэрин Сэбиэтэ Томтордооҕу сэдэх металл баайдаах сири туһаҕа таһаарыы бырайыагар кыттаары дураһыйар диэн Интерфакс иһитиннэрэр.
Бу туһунан суруналыыстарга хампаанньа салайааччыта Виталий Несис “Майнекс Россия-2019” кэмпириэнсийэ кэмигэр иһитиннэрбит.
“Polymetal ити эьийиэги үчүгэйдик билэр уонна онно үлэлииргэ кыттар кыаҕы көрөр. Бастаан утаа кыра тус сыаллаах инвестицияны уган докумуону бэлэмнииргэ кыттан саҕалыахпыт”, - диэн Несис бэлиэтээбит. Кини этэринэн, хампаанньа хас да сэдэх металлаах сир баайдарын үөрэппит уонна Өймөкөөн улууһугар Томтордооҕу сир Арассыыйаҕа ордук үчүгэй диэн түмүккэ кэлбит.
