АЛРОСА CASE-IN диэн норуоттар икки ардыларынааҕы инженердэр чөмпүйэнээттэригэр стратегическэй партнер быһыытынан икки хайысханы өйүөҕэ: “Геологоразведка” уонна “Горное дело”. Бу туһунан хампаанньа пресс-сулууспата иһитиннэрэр.
Ол курдук, хампаанньа маныаха 2,4 мөл. солк. үбүнэн көмөлөһүөҕэ. Чөмпүйэнээккэ кытааччылары Арассыыйа 14 үрдүк үөрэҕин кыһатыгар, уон куоракка кулун тутартан ыам ыйыгар дылы сүүмэрдиэхтэрэ. АЛРОСА 20-тэн тахса үлэһитэ эспиэр быһыытынан үлэлиэҕэ уонна кыттааччыларга бэйэлэрин уопуттарын үллэстиэхтэрэ. Үчүгэй көрдөрүүлээх устудьуоннары кэнэҕэһин хампаанньаҕа үлэҕэ ыҥырыахтара. Былрыыҥҥы маннык чөмпүйэнээт түмүгүнэн АЛРОСА тэрилтэлэригэр 11 устудьуону быраактыкалаппыттар.
