Муус устар 1 күнүгэр РФ үөрэх уонна наука министиэристибэтигэр бас бэринэр тэрилтэлэргэ, устудьуоннар уонна аспираннар стипендияларын толору төлүүргэ үбүлээһин көрүллүбүт. Бу туһунан биэдэмистибэ пресс-сулууспата иһитиннэрэр.
2020 сыл иккис кыбаарталыгар 248 үрдүк үөрэх ыһата 13 мөл солк, 511 наука тэрилтэтэ 178 мөл тахса солк ылбыттар.
Санатар буоллахха, миниистир Валерий Фальков үрдүк үөрэх кыһалара дистанционнай үөрэххэ көспүттэрин үрдүнэн, преподавателлэр уонна устудьуоннар социальнай гарантиялара оннунан хаалар диэн хаста да эппитэ.
“Биһиги устудьуоннар, университет үлэһиттэрин, бастатан туран, преподавателлэр социальнай бырааптарын толору харыстыыр соруктаахпыт. Манна дистанционнай үөрэххэ көһүү хамнас уларыйыытыгар төрүөт буолбат”, – диэн иһитиннэрбитэ.
