Бэҕэһээ дойду бэрэсидьиэнэ бырабыыталыстыба мунньаҕын иннинэ эппит туһаайыытыгар “эрэгийиэннэргэ уйуктаах буолалларыгар анаан 200 млрд солк. биэрэбит” диэн иһитиннэрдэ.
Маны таһынан, ордук эмсэҕэлээбит экэниэмикэ секторыгар үлэлиир аччыгый уонна орто урбааҥҥа хамнаһы төлүүргэ көмө быһыытынан үбү биэриэхтэрэ.
Биисинэскэ хамнаһы төлүүргэ бырыһыана суох кирэдьиити биэриэхтэрэ, маныаха Внешэкономбанк мэктиэтинэн хааччыйыахтара.
Маны таһынан, Владимир Путин быарбыыталыстыбаҕа туһаайан, систиэмэни үөскэтэр, тутаах тэрилтэлэр испииһэктэрин хаттаан көрүҥ диэн сорудахтаата, кини “ити испииһэккэ экэниэмикэ саамай тутаах тэрилтэлэрэ киириэхтээхтэр” диэтэ.
Авиация тэрилтэлэрин өйүүргэ 23 млрд солк. көрүллүөҕэ. “Ити харчы авиационнай тиэхиньикэ лиизинин төлөһөргө, эргитэр харчыны толорорго, хамнаһы уонна сөмөлүөттэр турууларын төлүүргэ туһаныахтара”, - диэн бэрэсидьиэн тоһоҕолоото.
