“Якутия” авиахампаанньа уопсайа 102,7 мөл. солк. суумалаах, 9,5 тыһ. тахса билиэти айаньаттыарга ыстырааба суох төнүннэрдэ. Бу туһунан авиахампаанньа иһитиннэрэр.
“Ил Дархан Айсен Николаев ыйааҕынан, биһиги кулун тутар 18 күнүттэн ыла, ылыллыбыт билиэттэри айанньыттарга туох да ыстырааба, эбии төлөбүрэ суох төннөрө олоробут. Ити коронавирус дьаҥыттан сылтаан ылыллыбыт быһаарыныы. Муус устар 15 күнүнээҕи туругунан, уопсайа 102,7 мөл. солк. атыылаһыллыбыт 9 539 билиэти төннөрдүбүт”, - диир хампаанньа генеральнай дириэктэрэ Владимир Горбунов. Кини этэринэн, хампаанньа коронавирус дьаҥа саҕаланыаҕыттан (тохсунньу-муус устар ыйдарга) 33 бырыһыан харчынан киллэриитин сүтэрбит. Ити тас дойдуларга көтүү бобуллубутуттан уонна дойду үрдүнэн сөмөлүөтүнэн көтүү 30-40% аччаабытын кытары быһаччы тутулуктаах.
