Арассыыйаҕа нэһилиэнньэ ахсааныгар таһаардахха саамай элбэх смартфоннаах (суотабайдаах) эрэгийиэн Саха сирэ буолбут. Ол туһунан Москубаттан “Сколково” отчуотугар сигэнэн РБК суруйар.
“Биир тыһыынча киһиэхэ тиксэринэн аахтахха, Саха сирэ бастакы миэстэҕэ тахсар. Тоҕо диэтэххэ, бастатан туран, кинилэр “хотугу надбавкалаах” буоланнар байылыаттык, кыахтаахтык олороллор. Иккиһинэн, ити курдук киэҥ сиргэ сибээһэ суох сатаммаккын”, – диэн Эрэгийиэннэр кыһалҕаларын институтун генеральнай дириэктэрэ Дмитрий Журавлев кэпсээбит.
