Үөһээ Дьааҥы улууһагар саҥа байытар баабырыканы тутар былааннаахтар. Ол туһунан РФ Главгосэкспертизата суруйар.
Кыһыл көмүһү уонна сурьманы хостуур бырайыак докумуонун Главгосэкспертиза Красноярскайдааҕы салаата бигэргэппит. Дьиҥэр, Сентарач сир баайдаах түөлбэттэн көмөһү-сурьманы 1978 сылтан хостууллар. Билигин руднигы “Звезда” АО тэрилтэ туһана олорор. Баабырыка иһигэр хас даҕаны технологическай былаһаакка, ол иһигэр икки производственнай уонна биир лабаратыарыйа куорпуһа, галерея, бородууксуйаны хаһаанар ыскылаат, хочуолунай, диисэл электро-ыстаансыйата, о.д.а. эбийиэк тутуллуохтаах. Баахта бөһүөлэгэ тэриллиэхтээх.
Былаан быһыытынан, саҥа баабырыка 25 сыл үлэлиэхтээх. Тутааччыта – “Звезда” АО тэрилтэ.
