Бу нэдиэлэ саҕаланыытыгар, Москуба биржатыгар 1 евро – 93, дуоллар 80 солк. кэриҥэ буоллулар. Быһата, солкуобай күүһэ өһүллэ, кууруһа намтыы турар. Тэҥнэбилгэ, балаҕан ыйын саҕаланыытыгар 1 евро -- 87,6 солк., 1 дуоллар – 73,5 солк. этэ.
Улахан экэнэмиистэр солкуобай мөлтөөһүнүн Белоруссия бырачыастарынан, Навальнайы сүһүрдүүттэн сылтаан Арассыыйаны утары суоһуур сааҥсыйаларынан, онно эбии армяннар-азербайджданнар иирсээннэринэн быһаараллар.
Быһата, Кэлэктиибинэн куттала суох буолуу дуогабарыгар (ОДКБ) киирэр Арассыыйа “чугас доҕотторун” балаһыанньалара бэрдэ суох: Армения сэриилэһэ олорор, Белоруссияҕа булкуур бөҕө, Таджикистан уонна Кыргызстан – киһи улаханы эрэйбэт дойдулара, Казахстан эрэ этэҥҥэ.
