Еврокомиссия бэрэсэдьиэнэ Урсула фон ден Ляйен “Арассыыйаны кытары геобэлитиичэскэй партнерствону олохтуур табыллыбат” диэн эппит тылын РФ тас дьыалаҕа миниистирэ Сергей Лавров алтынньы 13 күнүгэр буолбут “Валдай” диэн форумҥа санаппыт.
Онно Дьобуруопа сойууһун кытары ханнык эрэ кэмҥэ диэри алтыһан бүтүөхпүтүн наада быһыылаах диэн “убаастабыла суох сыһыаннаһалларын” туһунан санаатын биллэрбит.
Сергей Лавров бэлиэтээбитинэн, Дьобуруопа сойууһун судаарыстыбаларыгар билиҥҥи усулуобуйаҕа Арассыыйа биисинэс ыытара оруннааҕын, оруна суоҕун өйдүөн баҕарар.
Санатар буоллахха, Франция уонна Германия дойдулара Арассыыйа утары сааҥсыйа биллэрбиттэрин Дьобуруопа сойууһа өйөөбүтэ. Ол сааҥсыйа оппозиционер Алексей Навальнайы сүһүрдүү дьыалатын кытары ситимнээх. Эбиитин Сергей Скрипаль дьыалатын кытары сибээстээх сааҥсыйаны салгыы уһатан биэрбиттэр. Бу тахсыбыт быһыыга-майгыга Кремль эппиэт биэрэн, Берлины уонна Париһы сантаастааһыҥҥа уонна бииргэ үлэлэһиэхтэрин баҕарбат буолбуттарыгар буруйдаабыта.
