Саха сирин бырабыыталыстыбатын бэрэссэдээтэлин э.т. Андрей Тарасенко Ил Түмэн дьокутааттара, олохтоох салайыныы уорганнарын, таба иитиитинэн дьарыктанар хаһаайыстыба бэрэстэбиитэллэрэ кыттыылаах бу салааны өйүүр боппуруостары видео мунньах кэмигэр көрдө.
Табаһыттар бу салааны өйүүргэ сүрүн төрүөттэринэн материальнай-тэхэниичэскэй базаны модернизациялааһын, табаарынай оҥорон таһаарыы кээмэйин үрдэтии, улахан ырыынакка таба бородууксуйатын таһаарарга үбүнэн көмө көрүллүөхтээҕин уонна таба мэччирэҥнэрин табаны иитэр хаһаайыстыбаларга сыһыарыы буоларын эттилэр.
Тыа хаһаайыстыбатын миниистирэ Александр Атласов билигин өрөспүүбүлүкэҕэ таба төбөтүн улаатыннарыыга соруктаах үлэ барарын уонна бу салааны сайыннарарга киэҥ далааһыннаах үлэ ыытылларын эппит. Быйыл таба иитиитигэр судаарыстыбаннай көмө быһыытынан улуустарга 785 мөл. солк. субвенция көрүллүбүт.
Таба иитиитин сайыннарыыга тыын боппуруоһунан каадырдарынан хааччылыы турар. Онон бу салааҕа эдэр табаһыттары сыһыарыыга болҕомто ууруллуоҕа. Социальнай төлөбүртэн ураты, таба иитиитигэр исписэлиистэри бэлэмнииргэ үөрэх тэрилтэлэрин сыһыарыы механизмын тобуларга быһаарыннылар.
Алтынньы саҥатыгар өрөспүүбүлүкэҕэ 168 тыһ. таба баар, ити ааспыт сылтан 16 тыһ. элбээбит. Уопсайа таба иитиитинэн 106 хаһаайыстыба дьарыктанар.
Сэҥээриилэр
Would you be interested in exchanging links or maybe guest writing a blog article or vice-versa?
My website covers a lot of the same topics as yours and I believe
we could greatly benefit from each other. If you're interested feel free to shoot me an email.
I look forward to hearing from you! Excellent blog by the way!
Feel free to surf to my web-site :: generic cialis vs cialis: https://cialiswwshop.com