Киир

Киир

“Комплексное развитие сельских территорий” судаарыстыбаннай бырагыраама иитинэн Саха сиригэр 6 бырайыагы олоххо киллэриигэ 630 мөл.солк. кэриҥэ үбү ыытыахтара. Бу туһунан ТХМ пресс-сулууспата иһитиннэрэр.

Миниистир Александр Атласов дойду ТХМ 2021-2022 сс. киллэриллэр бырайыактары ылан бүппүтүн иһитиннэрдэ: “Саха сирэ 91 бырайыагы биэрбитэ, олортон бастаан 30 ааспыта. Улахан киирсии кэнниттэн, Сунтаар, Уус Алдан, Үөһээ Бүлүү, Нам, Чурапчы уонна Өлүөхүмэ улуустарын бырайыактара кыайыылааҕынан таҕыстылар”. 

Ол курдук, Уус Алдан Сыырдааҕар 20 миэстэлээх оскуола уонна 50 миэстэлээх уһуйаан тутуллуоҕа, ону таһынан уу канализацията уонна ыраастыыр тэрил оҥоһуллуоҕа, Курбуһахха 120 миэстэлээх оскуола тутуллуоҕа уонна врачебнай амбулаторияҕа санитарнай тырааныспар ылыллыаҕа.

Сунтаар Бүлүчээнигэр успуорт-чэбдигирдэр комплекса тутуллуоҕа, Бүлүүчээн лицей-интэринээтигэр, кулуубугар уонна амбулаторияҕа эмиэ саҥа тиэхиньикэ бэриллиэҕэ. Үөһээ Бүлүү Намыгар успуорт саалатын капитальнай өрөмүөнүгэр субсидия, уулуссалары уотунан сырдатыыга үп уонна амбулаторияҕа тырааныспар бэриллиэҕэ. Чурапчы Одьулуунугар локальнай уу турбатын, дьиэлэри гаастааһыҥҥа ситими тардыы үлэтэ ыытыллыаҕа уонна “Сайдыс” норуот айымньытын киинигэр массыына бэриллиэҕэ. Маны таһынан Өлүөхүмэ Мачатыгар амбулаторияҕа эмиэ массыына бэриллиэҕэ уонна модульнай ууну ыраастыыр ыстаансыйа тутуллуоҕа. Нам Бөтүҥэр кулууп капиальнай өрөмүөнэ ыытыллыаҕа уонна саҥа модульнай ФАП тутуллуоҕа.

Тарҕат:

Санааҕын суруй