Арассыыйа үпкэ министиэристибэтэ Саха сирин бүддьүөтүгэр хоруона хамсыгын кэмигэр өйөбүл быһыытынан эбии балтараа миллиарда солкуобайтан тахса үбү биэрбит. Бу туһунан федеральнай үп министиэристибэтин пресс-сулууспатыгар этиллэр.
Уопсайа 80 млрд солк. тахса дотацияны 39 эрэгийиэҥҥэ тыырбыттар, онтон Саха сиригэр 1,519 млрд солк. тиксиэҕэ. Бу маннык үбүнэн көмөнү бүддьүөт туолуута 1,5 кыра буоллаҕына бэриллэр. Бу үбү бэрэсидьиэн ыйааҕынан эрэгийиэннргэ бырабыыталыстыба резервнэй пуондатыттан ылан бэриллэр. 2020 сылга номнуо эрэгийиэннэр бүддьүөттэригэр балансы тутарга 200 млрд солк. тахса көрүллүбүт.
