Саха сирин урбааҥҥа, эргиэҥҥэ уонна туризмҥа миниистирэ Ирина Высоких быйыл туризм салаатыгар үлэлиир урбаанньыттарга саҥа көмө көрүҥэ киирэрин туһунан иһитиннэрдэ.
Ол курдук, Саха сирин ис туризмыгар сылы устата үлэлиир, толору хааччыллыылаах туркомплекстары сайыннарарга анаан анал субсидия көрүллэр буолбут. Маныаха өрөспүүбүлүкэ бүддьүөтүттэн 7,7 мөл. солк. көрүллүөҕэ. Субсидияны ыларга киирсэр урбаанньыт хайаан даҕаны бэлэм бырайыактаах, симиэтэлээх, түүлэһиигэ эбэтэр бас билиигэ сир учаастактаах буолара ирдэнэр. Маны таһынан, көрдүүр суумаҕыттан 20 бырыһыанын урбаанньыт бэйэтэ угар буолуохтаах. Субсидия саамай улахан кээмэйэ - 1 мөл. солк.
