Киир

Киир

“Коммерсантъ” суруйарынан, бу күннэргэ Федеральнай нолуок сулууспата аһы-үөлү оҥорор уонна атыылыыр тэрилтэлэртэн “2021 сыл устата сыанаҕыт төһө үрдүүрүн кыбартаалларынан былааннаан отчуоттааҥ” диэн сурук ыыталаабыт.

Дьиҥинэн, нолуок сулууспата сыана үрдүүрүгэр-намтыырыгар туох да сыһыана-кыттыгаһа суох буоллаҕа. Ол кини эбээһинэһэ буолбатах. Онтон дьиксинэн, тэрилтэлэр отчуоттарын ыыппакка олороллор эбит. “Ол бэйэбит таайан оҥорбут былааммыт суумата кыра дуу, улахан дуу буолан хааллаҕына -- нолуок сулууспалара сүгүннүөхтэрэ суоҕа. Дуоллар, валюта кууруһа хайдах уларыйарын, түһэрин-тахсарын биһиги эрдэттэн билэр кыахпыт суох, барыта онтон тутулуктаах...” диэн. Нолуок сулууспаларын эт, балык, үүт бородууксуйатын, саахар, туус, чэй, килиэп, оҕуруот аһын, курууппа уо.д.а. сыаналара интэриэһиргэтэр эбит.

Онтон сиэттэрэн, “Коммерсантъ” ааҕыныстыба “дойдубут салалтата сыана тоҕо барарыттан дьиксинэн, урутуур дьаһаллары ылыан баҕарар быһыылаах” диэн сылыктыыр.

Тарҕат:

Санааҕын суруй