Киир

Киир

Дойду бырабыыталыстыбатын бэрэссэдээтэлэ Михаил Мишустин сорох федеральнай босуобуйалар сарсыҥҥыттан индексацияланалларын туһунан уураахха илии баттаата. Бу туһунан РИА Новости суруйар.

"Олунньу 1 күнүттэн ЕДФ 4,9% үрдүөҕэ. Бу ыйдааҕы харчынан төлөбүрү 14,7 мөл. федеральнай чэпчэтиини туһанар дойду олохтооҕо ылар. Манна бэтэрээннэр, инбэлииттэр, Черноюыльга уонна Семипалатинскайга радиацияҕа эмсэҕэлээбиттэр, ССРС уонна Арассыыйа геройдара уонна атын категория ылар", — диэн иһитиннэриигэ суруллар. Индексация маны таһынан сорох оҕолоох дьиэ кэргэни таарыйыаҕа –  оҕо төрөөтөҕүнэ биир кэмнээх төлөбүр, оҕону көрөн олорууга ыйдааҕы босуобуйа, хат буолбут дьахталлар эрдэттэн учуокка туран баран ылар биир кэмнээх босуобуйалара уонна ииттэ ылбыт дьиэ кэргэҥҥэ биир кэмнээх босуобуйа. Маны таһынан өҥө оннугар харчынан ылар ЕДВ көмөтө эмиэ индексацияланан үрдүөҕэ. Маннык нобуор 1211,66 солк. дылы улаатар. Маны таһынан, киһини көмүүгэ босуобуйа олунньуттан 6428,98 солк. буолар. Бу босуобуйаны үлэлээбэт биэнсийэлээх анараа дойдуга бардаҕына уруутугар бэриллэр, ону биэнсийэ пуондата уйунар. Уопсайа социальнай төлөбүрдэри индексациялыырга 435 миллиард солк. көрүллүбүт. 

Тарҕат:

Санааҕын суруй

Бүтэһик сонуннар