"Якутия" авиахампаанньа "Нерюнгри-Москуба-Нерюнгри" хайысханан, оттон "АЛРОСА" авиахампаанньа "Мииринэй-Москуба-Мииринэй", "Полярнай-Мииринэй-Полярнай" хайысхаларынан субсидиялаах эриэйсэлэри оҥорорго федеральнай харчыны ыллылар. Кинилэр номнуо чэпчэтиилээх билиэттэри атыылаан саҕалаатылар.
"Якутия" Дьокуускайтан Москубаҕа уонна Дьокуускайтан Санкт Петербурга субсидмялаах көтүүлэри оҥорор сайаапкатын Росавиация аккаастаабыт. Авиахампаанньа пресс-сулууспата быһаарбытынан, квотаны харчы тиийбэтиттэн сылтаан аккаастаабыттар. Билигин Росавиацияны кытары кэпсэтиһэ сылдьаллар үһү. Санатар буоллахха, билигин авиахампаанньа аэропорт балаһатын өрөмүөнэ ыытыллыахтааҕыттан сылтан сайыҥҥы көтүү араспысаанньатын да таһаара илик. Онон Дьокуускайтан субсидиялаах эриэйсэттэн көрөн туран матан хааллыбыт. Саатар көлө тырааныспара туох да күттүөннээх эппиэти биэрэ илик.
Дьокуускайтан маны таһынан Москубаҕа дылы көтүүнү S7 авиахампанньа толорор. Кинилэр Росавиацияны кытары дуогабар баттаһалларын кэтэһэллэр эбит. Билиҥҥитэ дуогабар баттана илик, ол баттана да 7 күн иһинэн атыыга таһаарар былааннаахтар.
Сааһыттан тутулуга суох Саха сирин бары олохтоохторугар чэпчэтиилээх билиэттэр баар буолалларын туһунан өссө тохсунньу 21 күнүгэр үөрэ истибиппит. Чэпэчтиилээх билиэт сөмөлүөккэ батар киһи ахсааныттан уон бырыһыаныгар оҥоһуллуохтаах этэ. Ити сыалга диэн дойду бырабыыталыстыбата 5 млрд солк. биэрбитэ.
