Арассыыйаҕа авиакеросин сыаната кулун тутарга өрө көтөн тахсыбыт. Бу туһунан “Известия” хаһыат суруйар.
Ол курдук, уматык сыаната дойду үгүс аэропортарыгар ортотунан 6–9% үрдээбит. Керосин сыаната үрдээн, авиабилиэт сыаната эмиэ биллэ үрдүүр чинчилээх. Маны таһынан, эспиэрдэр бу сайын авиакеросин сыаната өссө үрдүүрүн сылыктыыллар. Саха сиригэр авиакеросин дойду үрдүнэн саамай сыаналааҕынан аатырар. Оттон дойду ырыынагар бу уматык көрүҥэ үрдээбит буоллаҕына, биһиэхэ эмиэ өрө тэбэрэ өйдөнөр. Онон, сөмөлүөтүнэн айан сыаната эмиэ үрдүүрэ күүтүллэр.
