Хаҥалас улууһун Мохсоҕоллоох бөһүөлэгэр урутаан сайдыы территориятын (ТОР) тэрийэри былаанныыллар. Бу туһунан улуус дьаһалтатын пресс-сулууспата иһитиннэрэр.
Бэҕэһээ, муус устар 15 күнүгэр, ТОРга киирсэр биисинэс бырайыактары көрүү буолбут. Олор истэригэр клубника ферматын арыйыы, эрэһиинэ тоороххойун оҥоруу уо.д.а. көрүллүбүттэр. "Мохсоҕоллоох дьонун ахсаанынан улууска иккис улахан бөһүөлэгинэн буолар - 3 тыһ. тахса киһи олорор. Манна улуус эрэ буолбакка, өрөспүүбүлүкэ улахан бырамыысалыннас уонна оҥорон таһаарар эбийиэктэрэ бааллар. Мохсоҕоллоох монокуораттар испииһэктэригэр киирсэр, биир тэрилтэҕэ бөһүөлэк 20 бырыһыана үлэлиир. ТОРга диэн улуус уонна бөһүөлэк дьаһалталара сир учаастактарын биэриэҕэ ", - диэн улуус баһылыгын бастакы солбуйааччы Альберт Лебедев кэпсээбит. Хаҥаласка ТОР тэриллэрин туһунан сайаапканы сотору кэминэн сөбүлэһиигэ ыытыахтара.
