2016-2019 сыллар усталарыгар Саха сиринээҕи урутаан сайдар сирдэр (ТОРдар) өрөспүүбүлүкэ бүддьүөтүгэр барыта 1,4 млрд солкуобай нолуогу төлөөбүттэрин туһунан Экэниэмикэ миниистирэ Майя Данилова Ил Түмэн мунньаҕар кэпсээтэ.
“Саха сиригэр ТОР иһинэн 40 резидент үлэлиир. Кинилэр бырайыактарыгар холбоон 124 млрд солкуобай инвестиция киирдэ. Быарайыактар толору кыахтарынан үлэлээн киирэн бардахтарына, 9 900 үлэ миэстэтэ тахсыахтаах. Күн бүгүн онтон 7 200 миэстэтэ туолан турар”, – диэн хотун Данилова этэр.
