Киир

Киир

 Сааскы бырааһынньыктары баттаһа, үгүс айанньыт Мииринэйтэн соҕуруу-арҕаа тиэстэллэр. Кинилэргэ субсидиялаах билиэттэр абырыыллар. 

Күн-бүгүн Мииринэйтэн Москуба куоракка барыыга авиабилиэт  сыаната барыларыгар — 8.700 солк.  Мииринэйтэн Иркутскайга барыыга, 50-тан тахсыбыт саастаах дьахталларга, 60-тан ыла саастаах эр дьоҥҥо, 23-гэр диэри саастаах ыччаттарга, баара эрэ 2 тыhыынча солкуобайга авиабилиэттэр бааллар. Соторутааҕыта дылы  «Мииринэй-Иркутскай» авиарейсэ, 5 тыһыынчаҕа кими баҕарар көтүтэрэ. «Мииринэй-Тюмень» авиарейсэ баар буолла. Сыаната – 8.700 солк. «Мииринэй-Хабаровскай» хайысхаҕа көтүү - 8.200 солк.

Бэс ыйын 1 күнүттэн ыла, хас оптуорунньук ахсын, «Мииринэй-Владивосток» туһаайыынан авиарейстэр саҕаланаары тураллар. Авиабилиэт сыаната – 8.540 солк.

Оттон биhиги, төрүт олохтоох дьон, киин куораппытыгар - Дьокуускайга айанныырбытыгар, ортотунан 15-18 тыhыынча солкуобай наада. Кэлэ-бара отуттан тахса тыһыынча солк. Мииринэйтэн Дьокуускайга “АЛРОСА-Авиа” сөмөлүөттэрэ көтөллөр.

Оттон былаас ханнык да араҥата, бу тыын боппуруоһу болҕомтоҕо ылбаттара хомотор.

Ил Дархан Мииринэйгэ кэлиитигэр мунньахтарга, бырабыытылыстыба отчуоттарыгар, «АЛРОСА-Авиа» генеральнай дириэктирэ А.Гуловка аадырыстаан олохтоох телевидионан тахсарыгар ким да бу «Дьокуускайга айанныырга авиабилет сыаната олус ыарахан» диэн эппэтэҕэ-тыымматаҕа.

Оннук буолбатын туhугар, Федеральнай Киин уонна Саха сирин бырабыытылыстыбата ис риэйсэлэргэ, чуолаан Саха сирин экэнэмиичэскэй киинигэр – Мииринэйгэ сөмөлүөтүнэн айанныырга, сыананы чэпчэтэр курдук, судаарыстыбаттан мэктиэлэммит субсидия анатыахтаахтар этэ. Бу боппуруоска Сахабыт сирин салалтата, суол-иис салаатыгар эппиэттиир министиэристибэ, Ил Түмэн дьокутааттара ылсыспаттара дьиксиннэрэр. Мииринэйтэн Дьокуускайга диэри салгын суолунан сырыы, удамыр сыаналаах буоларын ситиһэллэрэ уолдьаста. Дьэ уонна ыйытыаххыт, тоҕо Мииринэйгэ саха дьоно олус аҕыйахтарый, тоҕо ыччаппыт бырамыысалыннаска кэлбэтий диэн. Ити курдук, Сахабыт сирин уйгйтйн тосхото олорор Мииринэйин уонна Дьокуускай икки ардыларыгар, айаҥҥа ким да болҕомтотун уурбата, аахайбата хомолтолоох.

 Станислав Алексеев, Мииринэй куората.

 

Тарҕат:

Санааҕын суруй

Бүтэһик сонуннар