Быйыл сайын дойдубут барытын да үрдүнэн аһара куйаас таҥнары сатыылаан турар.
“Маннык куйаас сайын туораахтаах култуура үүнүүтүгэр хайдах дьайыай? Курааннаан бурдук үүммэккэ хаалыан сөп дуо?” -- диэн ыйытыкка, РФ Т/х-тын министиэристибэтэ бэрт эрэллээх хоруйу биэрэр. Кинилэр былааннарынан, 2021 сылга барыта 127,4 мөл. туонна бурдук, ол иһигэр 81 мөл. туонна сэлиэһинэй туорааҕа хомуллуохтаах. Быйыл саас ыһыы хампаанньата эрэгийиэннэргэ барыларыгар болдьохтоох кэмигэр уонна нуорманы куоһаран ыытыллыбытын түмүгэр, умайар уот куйаастан мөлтөх үүнүү кэлэр да түгэнигэр, бурдук сыаната үрдүүр кыаҕа суох. Сөптөөх үүнүү хомуйуллуо.
Быйыл бэс ыйын бастакы аҥаарыгар Арассыыйа тас дойдуларга 1,13 мөл. туонна бурдугу, ол иһигэр 1,09 мөл. туонна сэлиэһинэйи, атыылаабыт. Ый устата барыта 2,7 мөл. туонна атыыланара былааннанар. Ити – кэнники сылларга буолбатах үрдүк көрдөрүү.
Чэ, быһата, төһө да халлаан куйаарбытын, ардах түспэтэҕин иһин, бурдукпутунан быстарар чинчибит суох.
