Киир

Киир

2021 сыл от ыйын 14 күнүгэр “Анаабыр алмаастара” АУо 2020 сыл түмүгүнэн урукку өттүгэр хаһан да төлөөбөтөх элбэх суумалаах дивиденин төлүөҕэ – 7,4 миллиард солкуобайы. Санаттахха, “Анаабыр алмаастара” АЛРОСА аахсыйалаах хампаанньа иһигэр киирэр тэрилтэ.

“Былааннаабыппытын барытын ситистибит. Ол ситиһиибит 2021 сыллааҕы былааны уонна соруктары толорорбутугар тирэх буолуо, онон сыл бүтүүтүгэр урукку баһырхай соруктарбытын сөргүтэр кыахтаныахпыт диэн эрэнэбин”, – диэн “Анаабыр алмаастара” тэрилтэ генеральнай дириэктэрэ Павел Маринычев кэпсээтэ.

“Анаабыр алмаастара” АУо дивиденин төлөбүрэ (солк.)

2015

2016

2017

2018

2019

2020

2021

429 552 473,0

424 461 637,2

1 435 784 686,0

4 918 254 354,0

4 064 852 834,0

3 679 765 960,0

7 366 925 250,0

“Анаабыр алмаастара” АУо дивиденнэрэ бастаан АЛРОСАҕа киирэллэр. Ол харчы салгыы дивиденд бэлиитикэтин чэрчитинэн, аахсыйалаахтарга, ол иһигэр Саха сиригэр уонна алмаастаах түөлбэ улуустарыгар, тыырыллар. Биллэрин курдук, кинилэр алмаастаах хампаанньа аахсыйатын 33 %-нын бас билэллэр.

АЛРОСА нолуок уонна нолуогу таһынан көрөр (сүрүннээн, дивиденд быһыытынан) төлөбүрэ – Саха өрөспүүбүлүкэтин бүддьүөтэ харчыны киллэринэр сүрүн источнига.

Бастакы чааһа, сүрүннээн, барыс нолуогуттан, НДПИттэн (сир баайын хостуур иһин нолуок) уонна НДФЛтан (хампаанньа үлэһиттэрэ төлүүр нолуоктара) киирэр.

Иккис чааһа – дивиденд. Ону СӨ бырабыыталыстыбата уонна аҕыс алмаастаах түөлбэ улууһа хампаанньаҕа бас билэр өлүүлэрин кээмэйинэн учуоттаан ылаллар.

АЛРОСА хампаанньа аахсыйалаахтарын сыллааҕы уопсай мунньаҕар бигэргэммитинэн, 2020 сыл түмүгүнэн Саха өрөспүүбүлүкэтин уонна аҕыс улуус бүддьүөттэригэр барыта холбоон 23,2 миллиард кэриҥэ харчыны көрүөхтээхтэр.

Тарҕат:

Санааҕын суруй

Бүтэһик сонуннар