Киир

Киир

Уһук Илин киинигэр, Владивосток куоракка бүгүҥҥүттэн алтыс төгүлүн ыытыллар Илиҥҥи экэниэмикэ сугулаана (ВЭФ) саҕаланна. Саха сирин дэлэгээссийэтин Ил Дархан Айсен Николаев салайар.

ВЭФка урукку өттүгэр Саха сирэ улахан хантыраактары түһэрсэн олоххо киллэртээбитэ. Холобур, 2019 сыллаахха "Ростелекомы" кытары Саха сирин Арктика улуустарыгар ВОЛС түргэн тэтимнээх интэриниэт лииньийэтин тардыбыттара. Былырыын ахсынньыга интэриниэт Өлөөн улууһугар кэлбитэ. Ити сыл Нерюнгрига "Колмар" саҥа кыбаарталын уонна Дьокуускайга Табаҕа тумуһугар "Хотугу сулус" оҕо лааҕыра тутуллан саҕалаабыта.

"Быйыл 25 млрд солк. суумаҕа 41 сөбүлэҥи түһэрсиэхпит. Ити былырыыҥҥы тохтобул кэнниттэн улахан ситиһии. Сөбүлэҥ баттаныллыахтаах бырайыактар өрөспүүбүлүкэ сайдыытыгар сүҥкэн суолталаахтар", - диэн Айсен Николаев эппит.

Нерюнгрига уонна Дьокуускайга "ДОМ.РФ" корпорацияны кытары икки саҥа олорор дьиэ кыбаарталын тутарга сөбүлэҥ түһэрсиллиэҕэ. Онтон сиэттэрэн социальнай инфраструктура тэнийиэҕэ.

Тарҕат:

Санааҕын суруй

Бүтэһик сонуннар