Нерюнгри оройуонугар таас чоҕу хостуур "Колмар" тэрилтэ 2023 сылга дылы сыллааҕы хостуур күүһүн икки бүк улаатыннарар соруктаах.
Бу туһунан бүгүн Илиҥҥи экэниэмикэ форумугар хампаанньа дириэктэрдэрин сэбиэтин бэрэссэдээтэлэ Анна Цивилева иһитиннэрбит. "Билигин биһиги сылга 12 мөл. туонна чоҕу хостуубут. Оттон 2023 сылга дылы ити көрдөрүүбүтүн икки ьөгүл улаатыннарар соруктаахпыт", - диэбит. Кини этэринэн, 2020-2021 сс. хампаанньа сүрүн производственнай эбийиэктэрин туппут. Ол — үс хайаны байытар кэмбинээт, үс саҥа шахта уонна Хабаровскай Ванино пуордугар чоҕу таһар терминал.
"Колмар" хампаанньа бөлөҕө "Соҕуруу Саха сирэ" ТОР сүрүн резиденинэн буолар, Ингалинскайдааҕы уонна Денисовскайдааҕы ХБК бас билэр. Манна 1 млрд туоннаттан тахса чох саппааһа баар.
