Киир

Киир

Өрөспүүбүлүкэ вице-премьерэ Михаил Никифоров Узбекистан Сырдарьинскай уобалаһыттан кэлбит дэлэгээссийни кытары бэҕэһээ көрсүбүт. 

Михаил Никифоровы кытары Сырдарьинскай уобалас хокимын (биһиэнинэн күбүрүнээтэр) солбуйааччы Данияр Мадиримов көрсүбүт. Кинилэр Саха сирин уонна Сырдарьинскай уобалас ханнык хайысхаҕа хардарыта үлэлиэхтэрин сөбүн туһунан кэпсэппиттэр. Никифоров Саха сирэ Узбекистантан киирэр оҕуруот аһыгар, фруктаҕа уонна текстильгэ интэриэстээҕин эппит. Данияр Мадиримов "Сахабулт" премиум-кылаастаах табаардара узбектар ырыынактарыгар интэриэһи үөскэтиэн сөбүн эппит. Кинилэр Сырдарьинскай уобаласка Саха сирин эргиэнин дьиэтин арыйар баҕалаахтарын уонна Дьокуускайга Узбекистан маннык дьиэтин арыйалларыгар этии киллэрбит. Михаил Никифоров ону үөрэтиэх буолан эрэннэрбит.

Саха сиригэр Узбекистан дэлэгээссийэтэ бэйэтин баҕатынан көҕүлээн кэлбит.

Тарҕат:

Санааҕын суруй