Киир

Киир

 Эһиил Москубаҕа уонна Санкт-Петербурга диэри көтөр судсидиялаах билиэттэр сыл саҥатыттан атыыланыахтара. Ол туһунан “Якутия, вперед!” биэрии кэмигэр Айсен Николаев кэпсээтэ.

Ил Дархан эппитинэн, былырыын дойду Көлөҕө министиэристибэтэ өйдөммөт төрүөтүнэн Дьокуускайы Уһук Илин субсидиялаах бырагырааматыгар киллэрбэтэх. Бэрэсидьиэн В.В. Путиҥҥа эрэ тахсыбыт кэннэ субсидия көрүллүбүт, ол түмүгэр сыанар икки бүк чэпчээбит.

“2022 сылга субсидиялаах билиэттэр сыл саҥатыттан атыыланыахтара диэн эрэнэбин. Үлэ барар турар, федеральнай бүддьүөттэн Уһук Илиҥҥэ харчыны номнуо ыыппыттара. Бу күннэргэ ол харчыны куораттарынан тыырыахтара. Саха сириттэн сайаапкалары ыыппыппыт. Онон былырыыҥҥы хартыына хатыланыа суохтаах. Дьокуускайтан, Нерюнгриттан уонна Мииринэйтэн дьон-сэргэ Москубаҕа, Санкт-Петербурга чэпчэки сыанаҕа көтүөхтээх”, – диэтэ Айсен Николаев.

Санаттахха, быйыл үөһэ ыйыллыбыт хайысхаларга чэпчэтиилээх билиэт алтынньы 21 күнүгэр атыыга тахсыбыта. Билиэт сыаната биир уһукка 10 200 солк. буолбута.

Тарҕат:

Санааҕын суруй