Киир

Киир

Арассыыйа баана 2022 сыл олунньу 1 күнүттэн, 3 солкуобай номиналлаах   «Саха АССР төрүттэммитэ 100 сыла» (каталожнай № 5111-0457) манньыаты таһаарда.

3 солкуобай бэлиэлээх үрүҥ көмүс манньыаппыт 39,0 мм. кээмэйдээх, кыра төкүнүк быһыылаах. Сыаналаах көмүһүн ыйааһына -   31,1 г, уулларыытын боруобата – 925.

Манньыат икки өттүнэн орсойбут ойуулардаах.

Сирэй өттүгэр Арассыыйа Федерациятын гиэрбэтин ойуута баар уонна «РОССИЙСКАЯ ФЕДЕРАЦИЯ», «БАНК РОССИИ», «3 РУБЛЯ», аннынан «2022 г.» диэн суруктардаах. Маны таһынан, Д.И. Менделеев табылыыссатынан көмүс бэлиэтэ, уулларыытын боруобата, Санкт-Петербург манньыатынай олбуорун табаарынай бэлиэтэ уонна көмүс чопчу маассата ыйыллыбыт.

МОНЕТКА 2

Оттон, төттөрү өттүгэр олоҥхо дьоруойдара Ньургун Боотур уонна Туйаарыма Куо, Өлүөнэ очуостарын уонна Дьокуускай куорат аныгы архитектуратын эбийиэктэрин ойуулара бааллар. Оҥоһуллубут тиэхиникэтэ - «лазерное матирование». Үрдүгэр Саха Өрөспүүлүкэтин гиэрбэтэ уонна көтөн иһэр кыталыктар ойууламмыттар. Маны сэргэ, үөһэ «РЕСПУБЛИКА САХА (ЯКУТИЯ)», оттон оһуору кытта аллара «100 ЛЕТ» диэн суруллубут.

Манньыат«пруф» диэн хаачыстыбанан оҥоһуллубут. Уопсай ахсаана – 3,0 тыһыынча устуука.

Сокуон быһыытынан, бу тахсыбыт манньыат Арассыыйа Федерациятын иһигэр хааччаҕа суох төлөһөргө туттуллуон сөп.

 

Тарҕат:

Санааҕын суруй